كتبتها بعد ماتش مصر والجزائر ..أنجولا
===============================
بحبك يا مصر ..بحب نيلك بحب أرضك بحب التراب ..بحب السما بعد صلاة الفجر صافية منورة
... بحب شروق الشمس وغروبها في قلب بحرك
... بحب الأذان والمأذنة بحب التسامح بحب حقيقتك .. بحب أهلك وأن ضلو الطريق وتاهو في ليل طويل من غير قمر...
بحب حبك للحقيقة بحب التاريخ بحب استيعابك للشعوب ..أرملي --شامي-- قبطي --عربي --يوناني --تركي
اتجمعوا علي أرضك في يوم زمان اتجوز وجابو العيال ..العيال عملت تاربخ ..التاريخ ..حكي حكاوي كتير عن شعبنا
عن شعب مصر ..
نسيج غريب وألوان كتير ودم واحد ..لشعب عاش يبني في تاريخ ...تاريخ طويل يحكي زمان عن سحرة أمنو بربنا لما شافو الحقيقة قدامهم بينة
عن مصري مؤمن لف البلاد يدعي لهداية باقي العباد .. عن أرض أنبياء ورسلات ...تاريخ حكي عن شعب كان
هازم تتار
ساحق فرنجة فاتح بلاد بالعلم أصل العلم نور
..صانع حضارة لما كان عنده الهدف ..تاريخ بيكتب دلوقتي سطر
أسود وسط السطور عن شعب تاني غير اللي كان غير اللي عاش غير اللي ضحي عشان يعيش كريم وحر
.شعب أنكسر من الفقر والجوع والمرض .. شعب اختزل كل اللي كان كل اللي الجهاد في ماتش كورة أو هرم..
..أحجار كتير باقية عشان تعلمنا الهدف ..__شوفتو اللي كانو في يوم زمان عندهم الهدف__ ..بنوا الهرم ..بنو الكنائس ..بنو المساجد والقلاع كتبو التاريخ نقلو الحضارة للبشر
بحبك يا مصر وبحزن كتير من أهلك لما يتهوا ويبعدو عن الطريق ولما ينقتل الهدف!!!
عمرو مصطفي 29\1\2010
===============================
بحبك يا مصر ..بحب نيلك بحب أرضك بحب التراب ..بحب السما بعد صلاة الفجر صافية منورة
... بحب شروق الشمس وغروبها في قلب بحرك
... بحب الأذان والمأذنة بحب التسامح بحب حقيقتك .. بحب أهلك وأن ضلو الطريق وتاهو في ليل طويل من غير قمر...
بحب حبك للحقيقة بحب التاريخ بحب استيعابك للشعوب ..أرملي --شامي-- قبطي --عربي --يوناني --تركي
اتجمعوا علي أرضك في يوم زمان اتجوز وجابو العيال ..العيال عملت تاربخ ..التاريخ ..حكي حكاوي كتير عن شعبنا
عن شعب مصر ..
نسيج غريب وألوان كتير ودم واحد ..لشعب عاش يبني في تاريخ ...تاريخ طويل يحكي زمان عن سحرة أمنو بربنا لما شافو الحقيقة قدامهم بينة
عن مصري مؤمن لف البلاد يدعي لهداية باقي العباد .. عن أرض أنبياء ورسلات ...تاريخ حكي عن شعب كان
هازم تتار
ساحق فرنجة فاتح بلاد بالعلم أصل العلم نور
..صانع حضارة لما كان عنده الهدف ..تاريخ بيكتب دلوقتي سطر
أسود وسط السطور عن شعب تاني غير اللي كان غير اللي عاش غير اللي ضحي عشان يعيش كريم وحر
.شعب أنكسر من الفقر والجوع والمرض .. شعب اختزل كل اللي كان كل اللي الجهاد في ماتش كورة أو هرم..
..أحجار كتير باقية عشان تعلمنا الهدف ..__شوفتو اللي كانو في يوم زمان عندهم الهدف__ ..بنوا الهرم ..بنو الكنائس ..بنو المساجد والقلاع كتبو التاريخ نقلو الحضارة للبشر
بحبك يا مصر وبحزن كتير من أهلك لما يتهوا ويبعدو عن الطريق ولما ينقتل الهدف!!!
عمرو مصطفي 29\1\2010
"وبحزن كتير من أهلك لما يتهوا ويبعدو عن الطريق ولما ينقتل الهدف"
ردحذفاهى القصة كلها فى الجمله دى.. ان الهدف مبقاش موجود اصلا
وان الناس نسيت ان المفروض يبقى عندها هدف
او يمكن فى بس اقتصر على ان كل واحد يكفى لقمة عيشه هو وعيلته.. وكل ده متعمد ومقصود واتزرع فى الناس عبر سنين كتير
اتربى فيهم خوف وضعف وتخاذل واستكانه وكلمة انا مالى وامشى جنب الحيط
صحيح شعب طيب وتاريخه كبير بس التاريخ مبيتعملش لوحده لازم يبقى فى اللى يعمله
وخصوصا بقى لما الناس متبقاش عارفة تاريخها ده اصلا ايه وهويتها تضيع عن عمد ومحدش يفكر يستعيدها او يحافظ عليها ويوم بعد يوم بنبعد عن التاريخ والاصل وبنبنى بيوت من غير اساس فى الهوا اى تخلخل فى الهوا ده يوقعها على مكان محدش اصلا يعرفه لانه اتنسى من زمان
وقصة انتماء فقده الاولاد لأمهم يمكن عشان محسوش حنانها ودفئها وناس تانيين بيحاولوا يحبوها او بيحبوها وبيدافعوا عنها ونفسهم يصلحوا ارضها
هو موضوع طويل اوى ويطول الكلام فيه لانها مأساة امة... بس المهم والاهم يبقى فى نقطةرجوع وبداية جديدة
وبرغم كل ده بنحب مصر
شكر علي تعليقك يا سارة ..وهوا دا اللي أنا عايز أقوله أحنا محتاجين هدف مشروع قومي يرجع يحرك الناس تاني :S
ردحذف